music matters

星期六晚去咗聽何韻詩 music matters 演唱會。我第一次去會展聽音樂，以前通常係睇乜展乜展多。

我覺得，呢個場嘅氣氛同紅館嗰個好唔同囉。去紅館，就好似係有啲乜嘢盛會咁，黎會展就好似真係聽音樂咁。場地音響係唔錯，不過唔知係咪冇經驗定係其他原因，間唔中有啲拍拍聲或者 feedback。

同埋，我有啲唔係咁滿意嗰啲扭蛋公仔，既然係 music matters，扭蛋呢樣嘢又咁哂資源，係咪應該有啲本末倒置？

講返個場，我覺得啲燈光好靚，連佈置都係好有心思，有好深嘅印象。

係唱緊汽水樽裡的咖啡、勞斯萊斯、光明會等歌曲嘅時候，我聽到我好多人一齊唱，好似大家聚埋舒發自己嘅情感。我都有一齊唱，仲唱得好大聲，話哂都係我啲主題曲。

唔知點解最感動係我聽過好多次嘅天使藍，我朋友話最近知到呢首歌唱乜，我就好耐好耐之前已經參透咗首歌唱乜。

同朋友喺銅鑼灣傾咗一陣，我突然有個感覺：「始終一天，我會甘心接受不會被愛。」而家問題係，我好似仲未接受到。

買咗何韻詩 what really matters 新碟，裡面除咗幽默感幾鍾意之外，仲有一首《月光寶盒》我都好鍾意，尤其是其中兩句歌詞：

總要　容納各樣痛楚至算得存在過
總要　至少試過分開至算迷戀過

迎新營我又想講

上星期身痕做O'Camp 執委，美其名係做嘢其實都係為咗返去玩。返咗工大年半，生活苦悶，又冇乜滋潤，返中大的確係遠離煩囂嘅好地方，尤其係睇住啲新生開展大學生活，而三年之後嘅事，當然係三年之後再算。

除咗做組爸或者 spy 之外，應該已經做哂喺細O可以做嘅角色。原來做完大組長之後返去做執位又係一個新嘅體會，或者我以前冇諗過執位究竟係做乜。我又開始明白，原來做唔同的位置都有佢嘅難處。

玩咗兩三年，一班做執位嘅老餅或者都睇開咗，唔再在意某啲工作應該點做點做。比着係兩年前或者三年前嘅我，一定會嘈到拆天。我咁嘅意思唔代表做嘢求其咗，只不過係，我諗有啲嘢，有佢哋自己嘅做法啩。

呢幾日同新生或輔導員傾計，佢哋都話今年 O'Camp 搞得好好，大家都玩得好開心。就我觀察所得，大家都應該玩得好開心，新生由唔熟玩到熟，雖然最後我要返工睇唔到佢哋走，但我諗應該都係盡興而歸。

不過，個 Camp 搞得成唔成功呢個問題值得深究，因為唔係新生玩得開心就叫做成功。當然啦，O'Camp 最重要係要盡興，如果盡興，大概都成功咗一大半。咁其餘個小半呢？

呢個時候我哋就要諗吓，細 O 嘅對象係乜嘢人呢？

答新生唔係錯，只不過答得唔全面。

唔知籌委又有冇盡興呢？唔知其他老餅又覺得點？

我諗新生都玩得幾熟，但唔知有幾多新生識得二年級嘅籌委呢？

而且，今年嘅安排有好多需要改善嘅地方，我諗有啲籌委都會留意得到。與其他學系比較，高低立見。如果唔係我哋氣氛好，應該都會幾麻煩。可能搞咗咁耐，有啲地方做得無咁完善，一睇就睇到。

當年我都做錯做漏好多嘢，所以我覺得咁都好正常，就好似上面咁講，我睇開咗啲。無論如何，我覺得認真少少會好啲。

如果覺得呢個諗法無聊，我有個簡單啲嘅諗法：如果O'Camp只求盡興，咁不如怒 con 新生就算了，我覺得都應該幾盡興。

我仍然覺得，CS Soc 同其他 Soc 真係有啲唔同。最少會其他 Soc 唔會有個無聊老餅返去玩 O'Camp，之後仲要寫埋啲咁嘅嘢。

後記：今年大組長做得唔錯，要讚。有啲 OC 都做得唔錯，也要讚。

迎新營之後

這數天的我極厚面皮
盡演執委老餅大組長等角色
為的是回到自己的回憶裡頭
再感受一些苦與樂
當然，樂比苦多
這數天我樂透了

今年的迎新營給我一個逃離現實的機會
換另一角度去重看當日的每一點
而這次是我的最後機會
不竟，下年八月中旬
還有誰知道我是何許人？

記得兩年前，曾在營刊裡寫著
要新生享受他們的第一個迎新營
自此過了三個迎新營
有些大組仔女真的參加了全部

想到這裡，我才發現兩年已過
看看現在的生活
想想中大的生活
更添懷念

下雨了

香港的八月，果然是如別不同。