唔開心

成日有人話經一事長一智，但我覺得我有啲固執，每件事「檢討」之後，都係重複番之前嘅錯，有時真係頂自己唔順。

就好似搭車咁。你都知我個人又複雜又麻煩啦，出門口嗰吓就要諗究竟搭乜嘢車好呢……巴士地鐵西鐵路線之多真係諗到頭都大埋，仲要考慮埋究竟長沙灣道彌敦道會唔會塞到仆街呢，南昌轉車會唔會等到想殺人呢。千揀萬揀之後都係出問題，原來彌敦道星期六日黃昏真係會塞到仆街架喎，非繁忙時間在南昌等 K16 真係會想殺人架喎。總而言之，呢啲之前都試過架啦，但係唔知點解又會做返之前話咗俾自己知唔應該做嘅嘢囉。

我想講呢，呢個只係一個例子咋喎。

真係唔想成日做埋哂啲白痴嘢，跟住又唔夠膽話俾人知衰啲乜野白痴嘢。

都已經係上個禮拜嘅事了。