我屋企啲蚊好鈍

我屋企有唔少蚊，好似而家呢啲乍暖還寒嘅天時就最鍾意入黑嘅時候擾人清夢啦。啲蚊鬼死咁大隻，但又可能因為大隻嘅關係，佢地飛得好慢，就好似一個食飽咗嘅大肥佬大模廝樣咁行過，真係想殺咗佢。

咁當然係要殺咗佢啦，但係每次搵到電蚊拍時蚊都瞓了（應該係蚊飛走咗至啱），而家索性用手捉，間唔中都捉到一兩隻架。

琴晚瞓到隻豬咁嘅時候，有隻蚊唔識趣飛黎飛去嘈住哂，我又一手捉住隻蚊，然後繼續大覺瞓。

唔知係我身手好咗定係啲蚊鈍咗呢？