除一般影碟封套和色情圖片外，送交評級的物品種類層出不窮。影視處曾將 Google 搜尋器上出現的一條超連結送交評審，該超連結顯示為「超級血腥殘忍……實錄」，可連接到一篇暴力小說，最終小說被評為淫褻，超連結被評為不雅。- 《明報》「不雅淫褻裁決界線模糊」2007年5月21日
超級血腥殘忍……實錄 ＜呢條就係超連結啦，呢條超連結就係不雅？
又唔見影視處覺得呢個投訴無聊？又唔見律政司告 Google 發放不雅物品？告都好呀，再造一個笑話。「亞洲國際都會」就係咁㗎啦。
各位，超連結係啲好簡單嘅嘢，就只係一個唔洗大家動手將網址再輸入瀏覽器嘅方法。我覺得佢地評超連結不雅，咁即係等於同人講：「街口報紙檔可以買到本三級咸書喎。」＜呢句嘢就會係不雅。
不如我用膠袋包住自己就算了。
Subscribe
2 comments:
其實我唔係幾明咩叫一條超連結不雅，即係用HTML code <a>包住嘅URI係不雅，定係就咁URI已經係不雅？其實是但一樣都好，概念上係有問題，因為萬維網(WWW)上所散佈嘅我哋叫resource，而URI，一係URL，一係URN，前者係講resource嘅位置，後者係講resource嘅名，我就唔明講位置同講名係不雅？（亦即權權的例子）連resource都未係喎。
另外，咁不雅又點？喺網上面用膠袋包住條URI或者果段HTML code？
由於我仲未搞清楚件事，我唔知點評論件事，不過審嘅時候麻煩睇睇RFC1738, RFC2141同RFC2396先，再唔係請TBL做專業顧問都得。
呢方面我又冇諗得咁清楚，
我諗有兩個可能：
1. 超連結所示的文字被評為不雅。
2. 因為超連結連去一個淫褻網頁（亦即是你所講嘅「資源」），所以評為不雅。（這個應該機會不大）
無論如何將超連結送檢係一件好奇怪嘅事，Google 亦唔會理呢啲無聊嘅裁決。如果一條超連結係不雅我諗可能要用警告字句掛。
TBL 係...?
Post a Comment