二零零五年七月二十日

上午四時、未天光的時間已經睡醒，不能入睡，可能是前晚太早上床，又或者想得太多。終於申請 wonderfuland newsgroup 成功，又完成一件事情。為了避免增添一天頹廢的日子，決心八時出門，回中大 Coffee Corner 品嘗久違了的早餐。

九鐵聲稱自己是第一條香港鐵路作有線新聞廣播（好勁哦！）。今天有幸第一次坐有新聞廣播的列車（我係特登走入去架！）。一上車，嘩！嘈到呢。見到周圍的乘客望著電視機，唔知好嬲定好笑。我望住擴音器，希望佢可以快啲收聲。新聞逐件砍件上，播完新聞再播同等分量的廣告，其中十個有九個是政府廣告。第十個廣告是宣傳九鐵和有線的資訊有幾新、有幾勁，分明就係叫各位乘客轉睇有線，手法差都死，仲衰過路訊通。習慣坐的車卡無靜音，相信要改變乘車習慣。

「有線新聞報導：有新的研究顯示，新界區居民的精神病比率有上升的趨勢。該項研究發現，每日乘坐巴士和火車的居民，病發的機會比不是每日乘坐的居民為高。...」

咳咳。

在大學圖書館借了一本 Microsoft Windows Internals，應該是一本好勁的書，從沒有人借過。希望不會六星期後原封不動退會圖書館。之後發現活動的出版部和行政部都有會開，順道坐會，看他們在搞甚麼東東。我就即管扮 Morgan Stanley 給予一個審慎觀望的評級，再講一些直通耳仔的說話。

打算去旺電、高登、黃金看一些叫 Mini-ITX 的東東，以為三大電腦商場一定有，可惜找不到，花了兩個小時的結論是：香港人唔用 Mini-ITX、香港人唔知乜野係 Mini-ITX、香港人以為 Micro-ITX 已經係最細（、又或者朱熙的結論－－香港多地呀，使乜用 Mini-ITX）。

返屋企，一上 68X 就發現做錯一件事：入輔幣，忘記了用八達通才可以轉車。一出大纜就後悔了：大雨、狂風雷暴，是未見過的天氣惡劣。最後花了三十大元坐的士，還要間水步行鄉村小路回家。各位九龍香港新界東的朋友們，是否覺得風平浪靜呢？我不怪大家，因為座落九龍區的天文台都覺得風平浪靜，不知道元朗橫風橫雨。

後註：入到元朗西鐵站，發現站裏滴水和有輕微水浸。大佬呀，開左兩年都唔夠就滴水？有冇搞錯呀？我地俾左幾多錢果位讀男拔既公子哥兒呀？